Një ngjarje tragike ka ndodhur dje në fshatin Dardani të Ferizajt ku një fëmijë i moshës 3 vjeçare ka vdekur si pasojë e goditjes nga vetura.

Fëmija do të varroset sot në fshatin Mirosalë.

Sipas policisë, ngasësi ka lidhje familjare me viktimën.

Zyrtari rajonal i Policisë për Ferizajn, Kanun Veseli, konfirmoi për Klankosova.tv, se fëmija ishte dërguar në ambulancën e fshatit Pozheran, ku mjeku kujdestar kishte konstatuar vdekjen e tij.

“Me datën 22.06.2025 rreth orës 18:45, nga stacioni policor në Viti jemi njoftuar se në ambulancën e fshatit Pozheran është dërguar një fëmijë rreth moshës 4-vjeç, i cili është konstatuar pa shenja jete nga mjeku kujdestar. Dyshohet se fëmija është goditur nga një veturë në fshatin Dardani, në oborrin e shtëpisë, ndërsa ngasësi – ka lidhje familjare me viktimën”, thuhet në përgjigjen e Veselit./Arbresh.info/

Tragjedi në Ferizaj, 3-vjeçari vdes pasi u godit nga vetura në oborrin e shtëpisë